Español | Hmoob | Soomaali

	Home Selecting a School For Your Child Elementary Schools Junior/Middle Schools High Schools How do I apply? 4-year-old Programs Student Programs and Services Sitemap		Home > Hmoob   Print View COV TSEV KAWM NTAWV THEEM OB (Secondary - Qib 7 Txog Qib 12) Cov tsev kawm ntawv theem ob yog xam tag nrho cov tsev kawm ntawv junior high thiab cov senior high.  Cov tsev kawm ntawv no tsuas yog sib txawv los ntawm tej txuj uas cov tub ntxhais kawm ntawv kawm thiab tus qauv qhia ntawv uas cov xib hwb siv xwb.  Muaj ntau lub tsev kawm ntawv theem ob (qib 7 txog qib 12) qhib txais tos tag nrho cov tub ntxhais uas nyob thoob plaws hauv lub nroog no tuaj kawm.  Yog hais tias cov tub ntxhais kawm ntawv nyob deb tshaj ib mais (mile) ntawm lub tsev kawm ntawv, tej zaum yuav muaj tsheb npav tuaj tos thiab xa.  Cov tub ntxhais kawm ntawv uas nyuam qhuav tuaj tshiab los sis cov uas hloov tsev kawm ntawv mas yuav tsum tau mus rau npe kawm ntawv rau hauv lub tsev kawm ntawv uas lawv nyiam.  Ua ntej luag yuav txais cov tub ntxhais twg kawm ntawv rau hauv ib lub tsev kawm ntawv twg, nws muaj ntau yam uas luag yuav tau muab coj los ntsuam xyuas xws li cov tub ntxhais daim ntawv teev npe kawm ntawv, tuam tsev kawm ntawv txoj cai, thiab puas yuav muaj chaw seem hauv lub tsev kawm ntawv ntawd lawm.  Cov tub ntxhais uas nyob ib cheeb tsam ze ntawm lub tsev kawm ntawv twg mas yuav muaj cai xaiv mus kawm rau hauv lub tsev kawm ntawv ntawd ua ntej.  Yog yuav kom tau kawm ntawv nyob rau hauv Saint Paul ib lub tsev kawm ntawv theem ob, cov niam cov txiv yuav tsum xaiv lub tsev kawm ntawv uas nyob ib cheeb tsam ze ntawm lawv lub tsev los ua lub tsev kawm ntawv thib ib thiab thib ob uas lawv nyiam rau lawv tus me nyuam.  Tsis tas li ntawd, cov niam txiv uas yeej muaj me nyuam kawm ntawv rau hauv ib lub tsev kawm ntawv lawm thiab nws yuav npaj kawm twj ywm rau hauv lub tsev kawm ntawv ntawd rau lwm xyoo mas lwm tus me nyuam hauv tsev neeg ntawd yuav muaj feem mus kawm ntawv rau hauv lub tsev kawm ntawv ntawd tshaj lwm tus. Thaum tsev kawm ntawv txais tus me nyuam mus kawm ntawv lawm, tus me nyuam ntawd mam li xaiv cov kev kawm tshwj xeeb uas muaj nyob rau hauv lub tsev kawm ntawv ntawd coj los kawm.  Cov me nyuam uas npaj kawm twj ywm rau hauv lawv lub tsev kawm ntawv qub rau lwm xyoo mas tsis tas ua daim ntawv rau npe kawm ntawv (application), tiam sis txhua tus tub ntxhais kawm ntawv yuav tsum tau xaiv lawv cov kev kawm saib lawv yuav kawm yam txuj dab tsi.  Hnub tim 29 lub 2 hlis ntuj xyoo 2008 yog hnub kawg ntawm txoj kev rau npe kawm ntawv rau cov tsev kawm ntawv theem ob (secondary school).  Yog xav paub txog kev xaiv tsev kawm ntawv rau koj tus me nyuam ntau tshaj qhov nov, hu mus nrog ib tug Hmoob hauv Lub Tuam Tsev Rau Npe Me Nyuam Kawm Ntawv tham ntawm tus xov tooj (651) 632-3716.
			Saint Paul Public Schools  #625 -- 360 Colborne Street -- Saint Paul, MN 55102 -- (651) 767-8100  Contact Us The Saint Paul Public Schools does not discriminate on the basis of race, creed, sex, marital status, national origin, age, color, religion, ancestry, status with respect to public assistance, sexual or affectional orientation, or disability. Click here for more information.