| ||
| Español | Hmoob | Soomaali | | |
|
COV TSEV KAWM NTAWV THEEM IB (Elementary Qib K Txog Qib 6) Yog hais tias koj tus me nyuam yuav muaj hnub nyoog 5 xyoos rau hnub tim 1 lub 9 hli ntuj 2008, koj tus me nyuam muaj peev xwm mus kawm tau ntawv rau xyoo kawm ntawv 2008 no. Cov me nyuam yuav tsum muaj hnub nyoog 4 xyoos rau hnub tim 1 lub 9 hli ntuj nws thiaj li yuav mus kawm tau ntawv rau hauv khoos kas qhia ntawv rau cov me nyuam hnub nyoog 4 xyoos hauv cov tsev kawm ntawv. Muaj ob hom tsev kawm ntawv theem ib (elementary schools) raws li nram no: NEIGHBORHOOD SCHOOLS yog cov tsev kawm ntawv uas nyob ze tsev thiab txais cov tub ntxhais kawm ntawv nyob ze lawv thaj tsam raws nraim li lawv qhov chaw nyob. Yog hais tias cov tub ntxhais kawm ntawv nyob tshaj li ib mais hauv cheeb tsam lub tsev kawm ntawv no lawm mas tej zaum yuav muaj tsheb npav tuaj tos thiab xa. Cov tsev kawm ntawv Neighborhood muaj khoos kas qhia ntawv zoo uas cov tub ntxhais kawm ntawv yuav to taub. Yog xav sau npe rau nej tus me nyuam mus kawm ntawv rau hauv ib lub tsev kawm ntawv no, yog hais tias nej nyob rau cheeb tsam hauv ib lub tsev kawm ntawv no, cia li hu xov tooj mus rau lub tsev kawm ntawv xwb, tshwj tias tus me nyuam yog ib tug uas nyuam qhuav tuaj tshiab los sis nws nyuam qhuav tsiv rov qab los rau hauv lub tsev kawm ntawv xwb. Dua li ntawd, txhua tsev neeg uas muaj me nyuam kawm ntawv qib 1 txog qib 6 uas nyuam qhuav tuaj tshiab los sis cov uas nyuam qhuav tsiv rov los rau ib lub tsev kawm ntawv twg mas yuav tsum hu mus nrog ib tug neeg Hmoob hauv Lub Tuam Tsev Rau Npe Me Nyuam Kawm Ntawv tham ntawm tus xov tooj (651) 632-3716 Cov tsev kawm ntawv MAGNET/CITYWIDE OPTIONS muaj kev pab rau tej tseem ntsiab kev kawm uas txhua lub tsev kawm ntawv muaj. Cov tsev kawm ntawv magnet thiab citywide option no rub tag nrho cov me nyuam hauv lub nroog no tuaj kawm. Nyob rau cov tsev kawm ntawv feem coob, tej zaum yuav muaj tsheb npav tuaj tos thiab xa cov me nyuam uas nyob deb tshaj ib mais (miles) ntawm tsev kawm ntawv. Cov niam txiv yuav tsum coj lawv tus me nyuam mus teev npe kawm ntawv rau hauv ib lub tsev kawm ntawv magnet los sis citywide option. Tom qab tsev kawm ntawv txais lawm mas tus me nyuam niam thiab txiv mam li coj nws mus ua ntaub ntawv rau npe kawm ntawv rau hauv lub tsev kawm ntawv ntawd. Hnub kawg ntawm kev rau npe rau me nyuam kawm ntawv yog hnub tim 7 lub 3 hlis ntuj 2008. Cov niam txiv uas tam sim no yeej muaj me nyuam kawm ntawv rau hauv ib lub tsev kawm ntawv twg lawm mas lawv cov me nyuam yuav muaj feem mus kawm ntawv rau hauv lub tsev kawm ntawv ntawd tshaj lwm tus. Yog xav paub txog kev xaiv tsev kawm ntawv rau koj tus me nyuam ntau tshaj qhov nov, hu mus nrog ib tug Hmoob hauv Lub Tuam Tsev Rau Npe Me Nyuam Kawm Ntawv tham ntawm tus xov tooj (651) 632-3716. | |||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
Saint Paul Public Schools #625 -- 360 Colborne Street -- Saint Paul, MN 55102 -- (651) 767-8100 Contact Us The Saint Paul Public Schools does not discriminate on the basis of race, creed, sex, marital status, national origin, age, color, religion, ancestry, status with respect to public assistance, sexual or affectional orientation, or disability. Click here for more information. | ||||||||||||||||||||||||||||||||||||||||||||||||||||||||||||